الدروس
03:34:75 ساعة
41 الدروس
الجيتار
متابعة للتطبيق
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

يعطي الأستاذ نصائح تتعلق بالتقنيات التي تميز العازف المحترف عن العازف الجيد فقط و يتحدث عن طريقة التدريب على جميع العلامات و التقنيات مثل كتم الوتر و التدريب على السرعات المنخفضة Rest Stroke.


طارق حرب:


"انا اذا عزفت زي هيك (يعزف الأستاذ طارق التمرين) خليت كل البيزات ترن زي هيك اوك عم بعزفها بطريقه صح وعم تطلع حلوه بس للموسيقاراللي اذنه مدوزنه ميه بالميه راح يلاحظ انه انا مش شغال صح ومش عم تعب حالي عشان اشتغل صح والهارموني صارفيها طينه وهذا شي مابيصير بالأوركيسترا وما بيصير بالفرق الموسيقيه هون الجيتار زي اكنه فرقه موسيقيه كامله زي اكنه اوركيسترا صغيره فا احنا هون بيدنا اليمني زي اكنه الآلات المختلفه اللي عم نتحكم في الصوت وعم نكتم الصوت وعم نخلي الصوت يطول في كتير شغلات الواحد لازم ينتبه عليها في الليفل هذا اللي بنحكي فيه بالكورس هو هذا الشي اللي بيسوي تغييردائم في الموسيقار هو اللي بيعرف هذا موسيقارمحترف ولا هذا موسيقار جيد جدا هذا الفرق اللي هو هذي الشغلات الصغيره فا اذا عم تعزفوها انتو بطريقه بطيئه لازم (يعزف الأستاذ طارق التمرين).


لاحظو هنا سويت ريستلوك عشان اطفي ال A بنفس الوقت الريست لوك اعطي صوت حلو لل Eوبنفس الوقت طفي ال A صارال Eلحاله وAطافي خلاص هاي طريقه واحده بتطفية البيس هلأ لما اجي ارجع لورا من ال A لل E هي الصعبه عشان بدي اعزف E وهو بيكون اولريدي انعزف وبدي اجي اعزف ال Aلازم اول ماعزفA اطفي ال E لاحظو ()لاحظتو كيف عزفت ال Aوطفيتها وبعدين عزفت ال Aالعاليه هاي بدها تركيز وبدها اتقان بدك تكون بتدرب كالمحترف ماتحس او تحسي حالك عم تدرب كطالب مستوي متوسط بهذي الشغلات بدو الواحد يفكر كأنه هو محترف وبدو يتقنها بطريقه احتراف ممتازه وكل يوم يشتغل عليها عشان يصير شي طبيعي بيصير الواحد يسمع الهارموني صار فيه طينه عالسريع يطفي لحاله من غير مايكتب عالورق او من غير مايذكر حاله كل يوم الواحد يسويها كل يوم الصبح لما تكونوا مرتاحين تكونوا شاربين كاس قهوه او شاي اتدربو علي هاي الشغلات بطريقه كتير بطيئه هذا اهم شي زي هيك(يعزف الأستاذ طارق التمرين).


لاحظو الريست روك هلأ برجع لل A طفي العب كمان مره ريستوك كمان مره طفيت ال Aالعب ال A هلأ بردو بدي اطفي ال D طفي ال A(يعزف الأستاذ طارق التمرين) لاحظتو كيف المازوره التانيه بالسطر التاني روحت من ال Aبدي روح لل D طفي ال A شوفتو الهارموني ماأنضفها هيك بعدين بشيل اصبعي انا من ال Aخلاص بحط اصبعي علي الوان هون بسوي ال Eريستوك او من غيرريستروك (يعزف الأستاذ طارق التمرين) مافي داعي هلأ هون نفس الشي بدي اجع طفي (يعزف الأستاذ طارق التمرين) لما ندخل بال Cماجور بالسطر التالت مافي داعي للتطفايه عشان ال Cمكبوسه بي ايدي الشمال (يعزف الأستاذ طارق التمرين).


لاحظتو هون فلما اجي العب ال Dاللي بعدها اقيم ال Cلحالو يطفي في تكنيكات للواحد يتحكم بالهارموني في يدي الشمال يدي اليمين كلها بتعطي نتيجه صافيه فالآخرالموسيقار المحتف والموسيقار المبدع لما يسمعكم تعزفو بيحكي اه والله هذا العازف اشتغل صح علي التكنيك تبعه وموسيقاه اللي عم تطلع صافيه هذا اللي بدي ياه منكم كتير في عزيفه بالعالم بس قليل في قليل من العزيفه اللي بيعرفو شو عم يسوا علي الآله الموسيقيه خصوصا علي الجيتار الجيتار اسهل آله موسيقيه تنعزف بطريقه خاطئه وهذا الشي ان شاء الله يتغير ويتحسن عشان الجيتار من احلي الآلات الموسيقيه وانا برأيي احلي آله موسيقيه تقدر تسوي كتير افكار فيها تيجي كتير اشكال فاعزفها بردو ممكن يكون كتير سهل بس بصاحه النتيجه بتطلع رخيصه بدنا نتيجه تطلع غنيه ومحترمه وفيها نوع من الثقل الموسيقي والإحترام الموسيقي وهاي الخطوات اللي عم نسويها هلأ هي اللي بتقرر الموسيقارهيطلع محترف ولا جيد جدا طبعا في فرق كبير السطر التالت (يعزف الأستاذ طارق التمرين).


هلأ هون في ميلودي في البيزبدنا نطلعها طبعا فشويه يكون في زياده بالوزن علي الوتر(يعزف الأستاذ طارق التمرين)نرجع للCالسطر الرابع (يعزف الأستاذ طارق التمرين)D ماينور سيفن بنحكي بالهارمونيات احنا طبعا في الحصص الجايه هلأ انا عم سميها عشان بس يصي عندكم فكره نرجع لل Eماجور وصلنا للسطرالرابع احنا فكرنا خلصت المقطوعه بس لأ في الموسيقي الكلاسيكيه الواحد بردو بدو ينتبه علي ايش مكتوب عالنوته مكتوب دي سي الفيني داكابو الفينو بالطالياني داكابو يعني ارجع من الاول الفيني يعني للنهايه بدنا ندور علي كلمة فيني وين مكتوبه اه والله هي موجوده بآخر السطر التاني معناته بدنا نرجع من الاول ونعزف السطرين تبع المقطوعه (يعزف الأستاذ طارق التمرين).


لاحظتو انا بطئت شوي في الأخيرعشان اعطي للمستمع فكره ان الموسيقي عم تنتهي وشوي شوي عم بحطها حط مش عم برميها رمي لما آجي آخر مازورتين بدل مااسوي(يعزف الأستاذ طارق التمرين) هيك زي اكني رميت الصحن عالطاوله لازم احط الصحن شوي شوي واحطه بطريقه جنتل وراقيه (يعزف الأستاذ طارق التمرين).


اشوفكم المره الجايه."

عن المدرب
طارق حرب
طارق حرب
حائز على الجائزة الأولى وجائزة اختيار الجمهور في مسابقة باريوس WorldWideWeb 2011، إضافة الى الجائزة الأولى في مسابقة مونتريال الدولية للعزف على الجيتار الكلاسيكي. يعتبر طارق حرب أحد أهم عازفي الجيتار الكلاسيكي في جيله. وصف عزفه بأنه "عزف منساب سلس ومدروس... عازف جيتار يجب مشاهدته!" (د. جاري أنطونيو): " استثنائي موسيقيا ودقة متناهية في التكنيك." (د.الاكساندر دنن). قال الناقد الموسيقي في مونتريال جون واينز الممتحن في الموسيقى الحية أنه "...يتواصل بالموسيقى ليلامس ويحس ما لا يمكن التعبير عنه بالكلام!" كما وصف حرب بأنه "سيد الموسيقى الحزينة." عزف حرب وقدم عروضا على الجيتار في مهرجانات موسيقية مختلفة في أمريكا الشمالية وأوروبا والشرق الأوسط وأمريكا الجنوبية تخللها عروض في أماكن مرموقة مثل قاعة اوسكار بيترسون في مونتريال، كندا، المدرج الروماني ذو ال2000 عام في جرش، الأردن، وفي كونسيرتجيبوف الشهيرة على مستوى العالم في أمستردام، هولندا. تتضمن مخططاته المستقبلية عروضا في طوكيو، اليابان في ديسمبر2012 ضمن فعاليات مسابقة طوكيو ال55 للعزف على الجيتار الكلاسيكي، وكذلك في فعالية TED العالمية 2013 في ادنبرة، اسكوتلندا في يونيو من العام نفسه، اضافة الى العديد من المشاريع الأخرى. بعد انتقاله من الأردن الى كندا، درس حرب كل من الكمان والغيتار الكلاسيكي مع عازفي الجيتار رودي الياس و باتريك كيرني ود.غاري أنطونيو، ومع عازف الكمان كلود جيلينو و كليمنس ميركل من الرباعية الموسيقية بوززيني. كما شارك في العديد من الدروس المتخصصة بما فيها التي تديرها لورنزو ميشيلي ، فييكس جيسون ، بافل شتادل، ريمي باوتشر ، و مانويل باريوكو. يحمل حرب درجة الماجستير في الأداء من جامعة ماكغيل، وعلى درجة بكالوريوس في التجارة من جامعة كونكورديا. وهو يحضر حاليا لشهادة الدكتوراه في الفنون الموسيقية في جامعة تورونتو تحت وصاية الدكتور جيفري مكفادين. و يعزف حرب على أدوات موسيقية من صنع أوتو فونكل و جان رومبرى.

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!